அவள்:
உயிரின் மேலொரு உயிர் வந்து கலந்தால்
இதயம் இருப்பது விண்வெளி தானோ

இதற்கு பேரென்ன காதலே
இந்த நிலை வரக் காரணம் நீ தானே

உனக்காக நெஞ்சம் சாயுமே
அது தான் கடவுள் வரமே

அவன்:
உயிரின் மேலொரு உயிர் வந்து கலந்தால்
இதயம் இருப்பது விண்வெளி தானோ

அவள்:
மொழியேதும் தெரியாமல்
விழிகள் இரண்டும் பேசுதே

அவன்:
விழியோடு விழி சேர்ந்தால்
புதிய மொழி தோன்றுதே

அவள்:
வலிகூட சுகம் தானே
இது காதல் முகம் தானே

அவன்:
ரசித்தேனடி தினம் தினம்

அவன்:
வெயிலோடு மழை தூவ
பருவங்களை மாற்றினாய்

அவள்:
விழியிரண்டில் மெதுவாக
உனது நிறம் ஊற்றினாய்

அவன்:
இந்தக் காதல் கடல் தானே
அதில் தேகம் துளி தானே

அவள்:
அலைபாயுதே மனம் மனம்